Një 20-vjeçar është qëlluar për vdekje gjoja se duke marrë pjesë në një grabitje shaka e cila po filmohej për Youtube.

Dëshmitarët i thanë policisë që Timothy Wilks dhe një shok u janë afruar një grupi të njerëzve jashtë në një park familjar në Nashville, duke mbajtur thika të mëdha.

Zt Wilks është qëlluar nga një 23-vjeçar, i cili i tha policisë se nuk kishte ide që ishte një shaka dhe se po vepronte në vetëmbrojtje, transmeton arbresh.info.

Shokët e zt Wilks i than oficerëve që shakaja ishte për një video në Youtube.

Askush nuk është arrestuar për vdekjen.

Disa familje ishin brenda parkut, i cili njihet si ‘miqësor për fëmijë’ dhe ‘argëtim familjar’, në kohën e të shtënave, 21:20, raporton media lokale e lajmeve WKRN.

“Videot me shaka” të grabitjes janë relativisht të shpeshta në Youtube, ndonjëherë përfshijnë armë zjarri të rreme apo automjete për ikje.

Disa kanë miliona shikime – edhe pse shumë nga to janë të rreme gjithashtu, ku të gjithë pjesëmarrësit që janë “brenda” në video aktrojnë pjesët e tyre.

Youtube solli rregulla të reja dy vite më parë të cilat ndalojnë shakat e rrezikshme.

Kjo përfshinë “shaka që i çojnë viktimat të kenë frikë nga rreziku i afërt fizik ose që krijojnë shqetësime serioze emocionale tek të miturit”.

Kërcënimet me armë dhe grabitjet e rreme janë konkretisht të listuara si shkelje që do të rezultojnë me largimin e videos./arbresh.info/